MIT de Ribadavia
Anfibia mergúllase na 41 edición da MIT de Ribadavia.
La Guajira estivo presente na Mostra Internacional de Teatro de Ribadavia con Anfibia, un só de danza contemporánea e performance que se inspira na mutabilidade e nos procesos de adaptabilidade aos distintos territorios. Un espectáculo que se reconfigura en función dos espazos de representación. Isto fai que sexa unha peza viva, próxima e presente, en contacto estreito co lugar que habita.
A Mostra Internacional de Teatro sostén con presenza e distinción as súas 41 edicións e goza de moito prestixio no sector das Artes Escénicas dentro e fóra de Galicia. Un escaparate amplo onde moitas compañías locais, nacionais e foráneas presentan as súas propostas en diferentes espazos da cidade. Anfibia súmase a esta edición en resonancia co cambio, a muda, a transformación e a resiliencia.
